العربية 
English لو إنت من عُشاق دبي وبتفكر تسافر هناك الفترة الجاية، يبقى أكيد محتاج تعرف أكتر عن أشهر الإحتفالات والمهرجات المختلفة في دبي زي:
لو إنت من عُشاق دبي وبتفكر تسافر هناك الفترة الجاية، يبقى أكيد محتاج تعرف أكتر عن أشهر الإحتفالات والمهرجات المختلفة في دبي زي:
لو إنت من عُشاق الجولف ومُحترف في لعبه أو حتى بتستنى المبارايات بتاعته، فأكيد مش هتفوت بطولة أوميجا دبي ديزرت كلاسيك للجولف. البطولة دي هي بطولة سنوية وبتُقام في نادي الإمارات للجولف، وبتكون برعاية “PGA European Tour”. الجميل إن البطولة دايماً بتستضيف كبار لاعبي الجولف زي “تايجر وودز”، “روري ماكلروي”، و”ستيفن غالاكر” … تفتكر السنة دي البطولة هتستضيف مين من عمالقة الجولف؟
أما لو إنت مهوس بموسيقى الروك، الرآب، التيكنو، أو أي نوع موسيقى تانية، يبقى أكيد مش هتفوت أضخم مهرجان للموسيقى المعروف بإسم مهرجان “فيرجن راديو” ريد فيست دبي. المهرجان ده بيكون فيه أشهر مُنسقي الأغاني والفنانين العالميين زي “إيغي آزاليا”، “باستيل”، و”آدم لامبرت” وغيرهم. كمان أكيد مش هتقدر تفوت حضور المهرجان دا لما تعرف إن السنة دي المهرجان هيضم “دايا”، “ديمي لوفاتو”، “توف لو”، “مايك بوسنير” وغيرهم من نجوم الموسيقى عالمياً … أوعى تفوت الفرصة لحضور المهرجان السنة دي في 2 و 3 فبراير 2017.
أما لو ليك في المسرح والإستعراض، يبقى أكيد مش هتفوت فرصة عرض من عروض “برودواي” الأشهر على الإطلاق واللي هيُقام في مسرح دبي اوبرا واللي هتعرض المسرحية الغنائية والإستعراضية “قصة الحي الغربي” … بتدور أحداث المسرحية حول قصة حب مليانة بالفن والمغامرات. المسرحية من ساعة عرضها لأول مرة سنة 1975 وهي بتُعتبر ثورة في عالم الفن، والإستعراض المسرحي، وده بسبب الرقصات العالمية اللي صممها “جيروم روبينز” والأغاني اللي اتعملت باحترافية كاملة واللي اكيد كانت سبب مهم في إن المسرحية حصلت على 10 جوائز أوسكار لحد دلوقتي .