أشهر 3 أسواق في طوكيو – اليابان

لو كنت من هواة التسوق وبتحب فكرة إقتناء تذكار من الأماكن المُختلفة اللي بتزورها واللي بتعبر عن ثقافة البلد وعادات أهلها وتقاليدهم، يبقى لازم أول مكان تفكر فيه يكون اليابان. اليابان فيها مجموعة كبيرة من أشهر وأجمل أسواق العالم.

في المقال ده، بلو راي هتعرض معلومات عن أهم أسواق اليابان:

• سوق تسوكيجي للأسماك: سوق تسوكيجي هو أكبر سوق أسماك في العالم. لو كُنت بتحب المأكولات البحرية يبقى دي رحلتك المفضلة، أما لو مش بتحبها هتستمتع بجولتك في السوق وإنت بتتفرج على أسماك وكائنات بحرية عمرك ما كُنت تتخيل تشوفها أو ممكن تكون عُمرك ما سمعت عنها قبل كده. السوق على مساحة 50 فدان وبيتقسم للسوق الداخلي والخارجي.
  في السوق الداخلي هتقدر تشوف عمليات تجهيز وتقطيع الأسماك، الموضوع مش عادي، الناس بتروح من بدري تحجز أماكن جوه علشان تتفرج على أسماك التونة الضخمة وهي بتتباع في المزاد اللي بيستمر لمُدة دقايق وبعدين يبدأ العُمال بتقطيعها بسكين شبه سيف الساموراي في مشهد عُمرك ما هتنساه.
  أمّا السوق الخارجي فهتقدر منه تشتري مُختلف أنواع المأكولات البحرية الغريبة وتدخل مطاعم الأسماك الشهيرة،

• سوق أميوكو: معنة كلمة أميوكو “مكان بيع الحلوى”. بعد الحرب العالمية التانية، سوق أميوكو كان عُبارة عن سوق أسود اللون بيبيع بطاطا حلوة وسكر بس، لكن دلوقتي إتحول لسوق مُبهج مليان ألوان مُختلفة وجذابة تقدر تشتري منه أي حاجة، هدوم، جزم، أسماك، لحوم، أدوات الجولف، وغيرهم كتير.
  كمان السوق بيحتوي على مجموعة كبيرة من المطاعم والكافيهات اللي تقدر تقضي فيها وقت مُمتع،

• سوق ناكاميس: من أقدم أسواق اليابان. بداية السوق كانت في الفترة ما بين 1688 – 1735 كان وقتها في رخصة لبعض المحلات إنها تقدم خدماتها في الطريق المؤدي لمعبد سينسوجي لخدمة زوار المعبد، لكن دلوقتي الموضوع وصل لإن الطريق بقى فيه حوالي 89 محل بيقدموا مُنتجات مُختلفة زي التذكارات، الهدايا، الهدوم، الجزم، وكمان المأكولات الشعبية القديمة عند اليابانيين.

في المقال ده إتعرفنا على 3 من أشهر مراكز التسوق في اليابان. تابعونا لمعلومات أكتر.