إزاي ما فكرتش في تايلاند لحد دلوقتي؟

كتير مننا لما بيقرر يسافر بره بلده، بيكون كل التفكير مُوجه لبلاد زي لندن، فرنسا، ألمانيا، تركيا، وغيرها وغيرها من البلاد اللي أسمها مشهور جداً والناس بدأت يجيلها فوبيا “العظمة” أو فوبيا البلاد المشهورة أو عشان بنت خالتي سافرت هناك أشمعني أنا، عشان كده بلو راي قعدت تدور ولاقيت إن فيه بلاد كتير مُهمشة ومش واخدة حقها برغم إن ممكن تكون أحلى وأجمل بكتير من بلاد أسمها على لسان كل الناس. فانهاردة اختارنالكوا  السياحة فى تايلاند المشهورة بجمالها الساحر وشواطئها الخلابة. تعالوا نعرف سوا معلومات أول مرة نعرفها عن تايلاند هتخليك تعيد ترتيب حساباتك وتسافر تايلاند:

1. سواء هتسافر تايلاند عشان تزور أكبر المُدن هناك زي بانكوك وشيانغ ماي أو عشان تستمتع بالطبيعة الخلابة هناك، فإنت أكيد مش هيفوتك الإستمتاع بفن العمارة التايلاندية التقليدية وخاصة أسطح المباني والمعابد. ففن العمارة التايلاندية يُعتبر مزيج من فن العمارة الشرقية ولمسات من العمارة الأوروبية ولكن على الطابع التايلاندي المشهور بالشكل المُدبب،
2. أما لو إنت من عُشاق الحياة البرية البسيطة، فالسياحة فى تايلاند هي المكان المناسب ليك وده لإن فيها أكتر من 280 نوع من الثدييات منها الفيل الأسيوي، الجاموس، النمر، وغيرها. كمان هتقدر تستمتع برحلات السفاري وإنت على ضهر الفيل،
3. أما لو إنت بتحب البحر، فبحر اندامان هيخليك تنسى الدنيا وده لإن مياه البحر شفافة جداً وبتخليك تشوف الشعاب المرجانية الساحرة،
4. أما لو بتحب الليل والسهر، فبانكوك عاصمة تايلاند هي واحدة من المناطق اللي مشهورة بكافة وسائل الترفيه، المطاعم، والنوادي. كمان أكيد مش هنقدر ننسى المطبخ التايلاندي المشهور بأكلاته ونكهاته المُختلفة،
5. أما لو عايز تعيش جو تايلاندي أصيل يبقى اكيد مش هتفوت مهرجان المصابيح “يي بينغ”. مهرجان المصابيح هو مهرجان تقليدي لتكريم بوذا من خلال الصلاوات طول النهار وفي الليل بيتم إطلاق المصابيح في السماء، وده بيكون في أواخر شهر نوفمبر من كل عام.

قولنا غيرت فكرتك عن تايلاند ولا لسه ولو كده هتسافر لها إمتى؟!