تعرف إيه عن تأشيرة شنغن؟

إيه هي إتفاقية شنغن؟

هي إتفاقية تمت سنة 1985 بتنص على إن الـ 26 دولة داخل الإتفاقية هيقوموا بإلغاء تأشيرات الدخول بينهم وجوازات السفر وكمان ضوابط الهجرة. يعني شنغن أصبحت عبارة عن منطقة واحدة كبيرة، والدول داخل الإتفاقية ألغت الحدود الدخلية بينهم وبين بعض.

الـ 26 دولة داخل إتفاقية شنغن

1. النمسا،
2. بلجيكا،
3. جمهورية التشيك،
4. الدنمارك،
5. استونيا،
6. فنلندا،
7. فرنسا،
8. ألمانيا،
9. اليونان،
10. اليونان،
11. أيسلندا،
12. إيطاليا،
13. لاتفيا،
14. ليختنشتاين،
15. ليتوانيا،
16. لوكسمبورغ،
17. مالطا،
18. هولندا،
19. النرويج،
20. بولندا،
21. البرتغال،
22. سلوفاكيا،
23. سلوفينيا،
24. إسبانيا،
25. السويد،
26. سويسرا.

أنواع تأشيرات شنغن

• فيزا شنغن ترانزيت “A”
  ودي تأشيرة المطار بمعنى إنها بتدي الحق لحاملها بإنه يتنقل بحريته في المطارات الدولية لكن مش من حقه يخرج يتنقل في دول الشنغن،
• فيزا شنغن ترانزيت “B”
  ودي مُدتها 5 أيام بس وبتدي الحق لحاملها إنه يتنقل داخل دول الشنغن في المُدة دي بس لحد ما يجهز للسفر خارج دول الشنغن،
• فيزا شنغن السياحية “C”
  أو تأشيرة إقامة قصيرة، ودي بتدي الحق لحاملها هو وعيلته بإنه يتنقل بحريته داخل دول الشنغن للسياحة أو العمل لمُدة 90 يوم،
• فيزا شنغن للتجارة أو التداول “C”
  ودي بتدي الحق لحاملها إنه يقيم داخل دول الشنغن لمُدة سنة كاملة للعمل أو التجارة،
• فيزا شنغن “D”
  ودي بتدي الحق لحاملها يقيم لمُدة أقصاها 3 شهور في دول الشنغن بهدف الدراسة، أو العمل،
• فيزا شنغن الجماعية
  ودي مُمكن منحها لعدد من 5 – 50 شخص بشرط إن كُل أفراد التأشيرة يدخلوا دول الشنغن في وقت واحد مع بعض ويرجعوا كمان في نفس الوقت. مُدتها بتكون شهر واحد.

الإمارات تُعتبر الدولة الوحيدة العربية اللي قدرت تحصل على إعفاء تأشيرة شنغن من ضمن دول غربية مُختلفة.