إنهاردة بلو راي قررت تخطفكوا وتروح بيكوا غرب المحيط الهادي، تحديداً على بُعد 1600 كيلومتر من قارة إفريقيا من الناحية الشرقية، وقُرب الصومال من الناحية الشمالية الغربية عشان توريكوا أرخبيل جزر السيشل الرائع.
الجميل والمُميز في أرخبيل جُزر السيشل إنها بتتكون من 115 جزيرة منهم 41 جزيرة جراتينية صخرية في منتصف المحطيات أما باقي الجزر واللي عددهم 74 ، هي جُزر مُرجانية غاية في الروعة والجمال.
لو بتحب الطبيعة والمناظر الخلابة، يبقى أكيد مش هتترد إنك تزور الأرخبيل وده لإن شواطئ جزر السيشل هي واحدة من آيات الجمال على الإطلاق واللي من كتر جمالها هتخليك تحس إنك عايش في حلم. كمان هناك فيه مُنتجعات سياحية وفنادق فاخرة على أعلى مستوى.
كمان هناك فيه حيوانات بحرية وبرية ونباتات طبيعية فريدة من نوعها، يعني مثلاً هتلاقي سلطعون الشبح، طائر خطاف البحر، الطيور الرنانة، وغيرها كتير من الحيوانات المُهددة بالإنقراض.
أما لو هنتكلم عن المُناخ بتاع الأرخبيل، فالجو هناك مُعتدل وجميل على مدار السنة ومش دايمأ درجة الحرارة بتنخفض، بس لو خلاص قررت إنك تسافر لجزر السيشل يبقى افضل وقت هو من شهر أكتوبر لمايو.
مهم كمان تعرف إن أشهر جزر السيشل هي جزيرة ماهي، جزيرة لا ديجودي، وجزيرة براسلين. هناك هتقدر إنك تمارس رياضة الغطس، الصيد، ركوب الأمواج، وكمان تسلق الجبال.
أكيد مش هتفوت فرصة إنك تستمتع بالطبيعة الخلابة وتنعزل عن العالم وتحول حلمك لحقيقة. جُزر السيشل مستنياك.
العربية 
English