سلالم الهايكو .. والصعود إلى السماء

لو بتحب المُغامرة وإنك تعمل حاجة مُشوقة ومختلفة وفي نفس الوقت بتحب الجمال والطبيعة الخلابة، يبقى أكيد مش هتقدر تفوت إنك تروح جزر هاواي وخصوصاً سلالم الهايكو وتشوف الدنيا من فوق. خلونا نعرف أكتر عن سلالم الهايكو.

قصة السلالم

سلالم الهايكو أو زي ما بُيطلق عليها اسم “سلالم الصعود إلى السماء” هى سلالم موجودة في جزر هاواي بالولايات المُتحدة الأمريكية ودي تم إنشاءها سنة 1942 واللي تُعتبر من النتائج العظيمة للحرب العالمية الثانية. السلالم دي كان الغرض منها إن البحرية الأمريكية كانت في حاجة إنها ترسل إشارات للسفن للبحرية، عشان كده توصلوا لإنهم يبنوا محطة راديو الهايكو فوق أحد الجبال الشاهقة في هاواي، والوصول للمحطة دي كان من خلال سلّم خشبي عملاق اللي معروف دلوقتي بسلالم الهايكو أو سلالم الصعود إلى السماء. الجميل في الموضوع إن المحطة إتقفلت سنة 1987 لأسباب أمنية وإنهم يحافظوا على سلامة الناس وبقى ممنوع إن حد يطلع السلم ده، إلا إن برغم إنها إتفقلت لكن كان بيحصل فيها تجديدات وإصلاحات وبالفعل إتفتحت من جديد سنة 2012 وبقيت واحدة من المعالم السياحية المشهورة ومحط أنظار كتير من السُياح عشان يستمتعوا بالمناظر الطبيعة الخلابة من فوق.

سبب التسمية بـ “سلالم الصعود إلى السماء”

سلّم الهايكو إتسمى بـ سلّم الصعود إلى السماء وده لإنه يُعتبر واحد من الظواهر الفريدة من نوعها عشان محدش عارف إذا كان هيقدر يطلع ويكمله لحد الآخر ولا لأ، وده بسبب إنه بيصل إلى أعلى الجبل بإرتفاع حوالي 98 متراً من مستوى البحر وعدد درجاته بيصل إلى 3922 درجة.

أكيد المشهد من فوق الجبال دي، حاجة كده فوق الخيال والوصف وتجربة تستحق المُخاطرة والمُغامرة وجزيرة هاواي من فوق أكيد ساحرة.