فكرت قبل كده في روما؟

أكيد كلنا عارفين روما العاصمة الإيطالية اللي مشهورة بالتراث والفن الأصيل، مش بس كده خلونا نقول إن روما معروفة بثراءها المعماري واللي يُعتبر السبب الرئيسي في إن روما بقيت واحدة من المُدن التاريخية العريقة. كمان زي ما كلنا عارفين إن روما مشهورة بالمتاحف، الشوارع التاريخية، وكمان الأسواق الواسعة اللي هتلاقيها في كل مكان في روما واللي بتخلي زوار كتير يفضلوا السفر ليها.

فـ لو بتفكر إنك تسافر لـ روما، يبقى فيه شوية حاجات مُهمة ونصائح لازم تعرفها عن البلد قبل ما تسافر عشان تقدر تستمتع بإجازة جميلة ومُمتعة.

• فصل الصيف مش هو الوقت المُناسب ليك عشان تزور روما. خلونا نقول إن روما في الصيف درجة حرارتها عالية، كمان الصيف هو مُوسم الذروة يعني أكيد هتعاني من الزحام كمان ومادام مُوسم الذروة يبقى أكيد الأسعار هتكون غالية بردو فعشان كده ممكن تسافر في الخريف أو في الربيع،
• أكيد لما بنقرر السفر لدولة أوروبية، الواحد بيكون قلقان من موضوع الأكل وبيكون خايف مايعجبوش، بس في روما الوضع مُختلف لأنك أكيد هتستمتع بأطباق الباستا والمكرونة الاسباجتي والبيتزا الشهيرة هناك،
• أما لو هتزور المتاحف هناك، فـ مُهم إنك تحجز تذاكر الدخول قبلها وده عشان تتجنب زحمة الوقوف في طوابير، كمان المفروض تبقى عارف إن متاحف روما بتكون مُعطلة يوم الإثنين،
• مطاعم روما مش بتاعة بقشيش. المطاعم هناك عادة ما بتكون عاملة حسابها وحاطة قيمة إضافية للخدمة على الفاتورة، فعشان كده مش مُهم إنك تحط بقشيش،
• حاول ماتتكلمش في الكورة وإنت في روما وده لأن الشعب الروماني شعب كروي مُتعصب،
• الشوارع في روما ضيقة وفيه أماكن كتيرة مش بتسمح بدخول العربيات فيها، عشان كده ابعد عن تأجير العربيات هناك.

وأخيراً، مُهم إنك تعرف عن روما البلد أكتر قبل ما تسافر وتعرف العادات والتقاليد هناك عشان تضمن إجازة سعيدة وتقدر تستمتع هناك.