العربية 
English كتير مننا سمع عن قصة قصر الرعب أو قصر الأشباح الموجود في مصر الجديدة.
بس مين يعرف قصته؟ مين صاحب القصر؟ وليه أطلق عليه إسم قصر الأشباح؟
كتير مننا سمع عن قصة قصر الرعب أو قصر الأشباح الموجود في مصر الجديدة.
بس مين يعرف قصته؟ مين صاحب القصر؟ وليه أطلق عليه إسم قصر الأشباح؟
صاحب القصر هو المليونير البلجيكي “إدوارد إمبان” اللي وصل مصر في القرن الـ 19 بعد إفتتاح قناة السويس بوقت قصير. إمبان كان بيسافر كتير وكان مُتيم بالهند وعاش فيها فترة طويلة وإتأثر جداً بطريقتهم في الحياه وكل حاجة خاصة بيهم. بس ده كان قبل ما يوصل مصر اللي حبها لدرجة إنه قرر يكمل باقي عمره فيها وكتب في وصيته إنه لازم يتدفن فيها حتى لو مات بره.
عشان كده قرر يبني قصر يعيش فيه بس مش أي قصر طبعاً، سافر كتير علشان يلاقي التصميم المُناسب وده لإنه كان من هواة فن العُمارة.
وبعد لف كتير أخيراً لقى ضالته في معرض فرنسي وهو تصميم بيجمع بين فن العمارة الأوروبي والهندي للفنان الفرنسي “ألكسندر مارسيل“.
إشترى التصميم ورجع مصر وبدأ في بناء القصر اللي موجود في شارع العروبة حالياً وإستمر بناءه 5 سنين. القصر كان فاخر جداً منتشر فيه تماثيل مرمرية على شكل أفيال وكان أكتر حاجة بتميزه وجود برج بيدور دورة كاملة كل ساعة.
القصر فيه غرفة سحرية كان مُحرم على أي حد يدخلها من الخدم أو بنت البارون وأخته. الغرفة دي كانت موجوده في بدروم القصر وكانت بتؤدي لممر طويل بيوصل لكنيسة البازيليك اللي إتدفن فيها البارون بعد موته.
والقصة التانيه خاصة بـ أخت البارون وهي البارونة “هيلانه” واللي وقعت من شباك غرفتها في الوقت اللي كان البارون بيدور فيه بالبرج الدائر ناحية الجنوب وفي نفس اللحظة تروس البرج إتعطلت ومن وقتها البرج بطل يدور.
ناس كتير بتقول إنها كانت بتسمع صوت خناق البارون مع أخته بعد وفاتها ورجحوا ده إنه قدر يستحضر روحها علشان يعتذرلها عن عدم إنقاذه ليها.
قصر البارون يُعتبر من الأثآر المُميزة في مصر واللي صيته وصل لكُل دول العالم لدرجة إن كتير من الأجانب بيطلبوا يجوا يصوروا فيه أفلام الرعب.