ليلة رمضانية في السخنة

خلاص رمضان على الأبواب والصيف كمان جاي بقوة السنة دي، علشان كده فكرنا في حاجة جديدة ومُختلفة السنة دي. العادي في رمضان هو الفطار والسحور في المُعز والأجواء الرمضانية هناك اللي محدش بيقدر يقاومها.

بس تخيل لما تفطر على البحر وإنت بتستمتع بالجو الجميل وتقضي يومك على الشاطئ وتفضي دماغك من دوشة الشغل والمذاكرة، وبعد الفطار تاخد القيلولة بتاعتك قدام البحر، وبعدين تقوم تلعب وتقضي وقت لطيف مع أصحابك أو أسرتك. كمان هيبقى حلو أوي لو سهرت هناك لحد السحور وقضيت الوقت الجو الجميل ده لحد الفجر.

العين السخنة بتتميز من قربها من القاهرة، الوصول ليها من الطريق السريع بياخد حوالي ساعة ونص بس.

أما عن سبب تسميتها، فهى إنها غنية بالينابيع السخنة الموجودة في الجبال اللي فيها.

ناهيك عن إنها بتطل على البحر الأحمر المعروف بهدوءه وصفاءه ومياهه العذبة.

بلو راي جهزتلك قائمة بأفضل مطاعم العين السخنة عشان تستمتع بوجبة فطار وسحور مُميزين:

• مطعم كارينوز:

بيقدم مأكولات بحرية إيطالية وأوروبية وبيتميز بإنك هتستمتع بوجبتك في الهواء الطلق، كمان هتلاقي كراسي للأطفال، وخدمة توصيل.

• ‪مطعم أسماك أبو علي:

مفيش حد بيروح السخنة إلا ولازم يجرب السمك الطازة بتاع أبو علي. مطعم أبو علي يُعتبر من أشهر مطاعم الأسماك الطازجة في العين السخنة. مكانه قدام قرية أميجو، جمب مطعم القمر.

• مطعم الجزيرة:

لو عايز تقضي وقت رومانسي وإنت بتستمتع بوجبة من المأكولات البحرية اللذيذة، يبقى لازم تزور مطعم الجزيرة الموجود في مُنتجع موفنبيك واللي بيطُل على البحر وبيوفر أجواء رومانسية مُنعشة.

أكيد مش هتفوت رمضان السنة دي في السخنة.