مش أي حد سافر أو بيسافر بإستمرار، نقدر نقول عليه “عاشق للسفر”. السفر ليه ناسه اللي بتحب المزاج والإستمتاع وبتعرف إزاي تختار المكان الصح، عشان كده جمعنلكوا انهاردة أسباب كتير تخليك تفكر إنك إزاي مازورتش برشلونة لحد دلوقتي. تعالوا نشوف سوا:
- الناس وجمالهم: من كتر حلاوة الناس وتعاونهم معاك وأد إيه هما بشوشين جداً، بتحس إنك مش في غربة خالص بالعكس أكنك في بلدك مش في بلد أوروبية وناس غريبة عليك. فسهل جداً إنك تتعرف على الناس هناك وتكون صداقات وعلاقات حلوة بكل سهولة. الناس هناك معندهمش عُقدة الخواجة أو إنهم يعاملوا الغُرب على إنهم ناس مُتطفلة على بلدهم،
- فيها كل حاجة حلوة: هتلاقي كل حاجة حلوة تخليك تستمتع بوقتك زي ما تحب. يعني هتلاقي البحر، الكامب نو، الأماكن السياحية، وغيرها كتير أماكن هتخليك مش عايز تسيب برشلونة وتمشي،
- السياحة فى برشلونة يعني ميدان كتالونيا: ماينفعش احكيلك عن الحيوية والنشاط اللي في ميدان كتالونيا، إنت لازم تجرب بنفسك عشان عمرك ما هتحس بملل ولا زهق منه ومن جماله،
- الكرنفالات في برشلونة غير أي كرنفالات: الفرق الموسيقية اللي بتلف الشوارع والكرنفالات اللي بتتعمل، هى حاجة كده زي المية والهوا فى برشلونة. يعني عادي جداً إنك تصحى الصبح على احتفالات في الشارع بفرق موسيقية وكرنفالات،
- الإستاد: لو عايز تروح الإستاد، فى برشلونة الدنيا سهلة. يعني الإستاد هتلاقيه جمب البيوت عادي جداً ومن غير زحمة ولا أي مشاكل عشان تدخل. كمان أكيد مش هنقدر ننسى فريق بارسا الأسباني،
- الجو التحفة: الجو فى برشلونة كويس، لا هو حر يفرهدك ولا هو سقعة تجمدك،
- لو بتحب تعرف تاريخ البلد، يبقى أكيد مش هيفوتك إن تروح الحي القوطي.
أكيد مش هتفوت زيارة برشلونة السنة دي !
العربية 
English 
