بما إن خلاص شهر إبريل قرب وكمان إجازة شم النسيم على الأبواب، فأكيد مُعظمنا بيبقى عايز يغير جو ويستريح شوية من الروتين بتاع كل يوم والشغل وعشان كدا بنفكر إننا نسافر وخصوصاً إن الجو بيكون لسه مش حر أوي زي الصيف وأسعار السفر بردو بتكون معقولة، عشان كده بلو راي قررت إنها تقولكوا على أفضل الوجهات السياحية في إبريل سواء في دول أوروبية أو دول عربية.
لو عايز تستمتع بالجو الجميل الدافئ وبالمناظر الطبيعية الخلابة، يبقى أكيد مش هتفوت فرصة إنك تزور قبرص ومُنتجعاتها الهادية الجميلة. كمان في قبرص ممكن تزور الأسواق والمزارات السياحية زي متحف قبرص، كنيسة القديسة صوفيا، المتحف البيزنطي، وغيرها من المعالم. أما لو بتحب الغوص يبقى أكيد لازم تزور منتجع بروتاراس عشان تستمتع بالأحياء البحرية،
أما لو عايز مكان يكون مُناسب ليك ولأسرتك وبسعر كويس، يبقى أكيد هتفكر في مصر. مصر فيها أماكن سياحية وشواطئ خلابة كتير، يعني مثلاً ممكن تروح إسكندرية، الغردقة، شرم الشيخ، وغيرها كتير أماكن وشواطئ خلابة تانية وفنادق بتطل على البحر تخليك تستمتع بكل دقيقة ولحظة،
اللون الأخضر بتاع الحدائق هو أكتر حاجة هتخليك تفكر في ألمانيا وقت الربيع، ده غير إن أسعارها مش غالية أوي بالنسبة لباقي الدول الأوروبية. أما لو هنتكلم عن ميونخ، يبقى مش هننسى الطبيعة الخلابة والمنتجعات الرائعة. أما لو عايز سياحة علاجية، يبقى لازم تزور مدينة بادن بادن اللي بتتميز بالينابيع العلاجية والطبيعة الخلابة.
تابعونا عشان تعرفوا معلومات أكتر عن المعالم السياحية حول العالم وإزاي تقضي إجازة مُمتعة ليك ولأسرتك.
العربية 
English