بما إن رمضان خلاص بيوّدع والعيد قرب والإجازة مُمتدة حوالي ثلاثة أو أربع أيام وفيه ناس بتفكر تاخد الأسبوع كله إجازة، فـ ليه تضيع الفرصة دي من إيدك وإنك تقضي وقت مُمتع وظريف سواء مع أهلك أو أصحابك. فمثلاً هنلاقي إن فيه ناس بترتب لخروجات العيد من دلوقتي وتحجز أماكن وملاهي مع أصحابها، وكمان فيه ناس تانية بتفكر في السفر وإنها تغير جو الشغل الروتيني وتفصّل دماغها شوية من التوتر والضغط، عشان كده بلو راي قررت إنها تقولكوا عن أحلي وأرخص أماكن ممكن تقضي فيها العيد السنة دي. خلونا نشوف:
أكيد كلنا عارفين دبي وجمالها وناطحات السحاب هناك وأد إيه فيها أماكن كتيرة خلابة إتكلمنا كتير عنها قبل كده، عشان كده بنقولك ماتفوّتش فرصة العيد السنة دي إنك تقضي إجازة جميلة مع عائلتك وإنك تستمتع بأماكن الترفيه والتسوق والمولات. مش بس كده، ده كمان الفنادق هناك أسعارها بتكون مُناسبة خلال فترات العيد. أما بقى لو بتدّور على إزاي تقضي وقت مُمتع وترفيه لأبعد الحدود، يبقى مش هتفوّت فرصة إنك ترّوح منتزه دبي باركس آند ريزورتس واللي هتلاقي كافة اللي الألعاب اللي هتخليك تقضى وقت مليان بالفرح والتسلية،
أما لو إنت بتفكر تسافر بره وعايز مكان يكون مُتكامل وفيه ألعاب، حدائق حيوان، ملاهي، ومراكز تسوق، يبقى أكيد منتزه صن واي لاجون في ماليزيا هو الإختيار الأمثل ليك. هناك هتلاقي ألعاب ترفيه مائية، فنادق، منتجعات، ومسابح، وغيرها كتير من الأماكن اللي هتخليك تحس إنك عايش في عالم تاني،
أما لو عايز تسافر أوروبا يبقى أكيد لازم ماتفوتش عليك فرصة إنك تروح ألبانيا وتسمتع هناك بالشواطئ الغاية في الروعة والجمال والمحميات الطبيعية. كمان هناك ممكن تعمل جولة مكوكية للمنتجعات السياحية اللي هناك وتعيش جو الإثارة.
قولولنا هتقضوا العيد السنة دي فين ويا ترى قررتوا ولا لسه؟
العربية 
English