زي ما بتجهز شنطتك قبل السفر، لازم كمان تجهز موبايلك. إعتبر موبايلك هو المُرشد السياحي بتاعك في رحلتك. جهزه بكُل التطبيقات اللي مُمكن تحتاجها واللي هتغنيك عن إنك تفضل تلف وتسأل وتتوه عشان توصل للمطعم مثلاً. مش بس كده، ده يُعتبر شيء ترفيهي معاك هيشيل عنك هموم كتير.
في المقال ده هنقولك كام تطبيق كده لازم تنزلهم قبل ما تسافر وهنقولك هتحتاجهم في إيه:
طبعاً كُلنا عارفين خرائط جوجل وتقريباً مُعظمنا بنستخدمه في بلدنا من غير سفر فـ تخيل بقى إنك في بلد غريب هيخليك متحسش بالغربة أبداً. تقدر من خلاله تعرف عنوان أي مكان عايز توصله وكمان هيحددلك موقعك بالظبط على الخريطة والحاجات اللي موجوده حواليك،
أكيد لو إنت مسافر بره هتحتاج تكون عارف أسعار العملات أو على الأقل سعر عملتك قصاد العملة اللي بتتعامل بيها بشكل مُستمر. التطبيق ده هيخليك تعرف أسعار العُملات بشكل دوري، مش بس كده، ده كمان هيديك معلومات عن أقرب مراكز صرف ليك،
لما تكون في بلد غريبة، هتكون محتاج تعرف كُل وسائل المواصلات المُتاحة، مواعيدها، وإزاي توصلها وكُل حاجة عنها. التطبيق ده هيوفرلك معلومات عن مواعيد القطر، الباصات، المعلومات الخاصة بوسائل التنقل زي أوبر، وأماكن وجودها علشان يسهل عليك الإستمتاع برحلتك،
اللي يسأل Yelp مايتوهش .. لو بتدور على أي مكان ومش عارف توصل إسأله على طول هو مُرشدك وصاحبك اللي حافظ البلد. هيوجهك بسهولة للمكان اللي بتدور عيله أياً كان بقى مطعم، مُستشفى، كافيه، أو أي مكان تاني.
قبل السفر وإنت بتجهز شنطتك ادخل على PackPoint وقوله بس إنت مسافر فين ولمُدة كام يوم، هيحددلك حالة الطقس وهيقولك نوع الملابس اللي لازم تاخدها وعددهم كمان.
في تطبيقات كتير مُمكن تساعدك في السفر، في المقال ده وضحنا أهمهم.
العربية 
English